أبليس زهقق من البشر؟؟؟

أبليس زهقق من البشر؟؟؟


على باب
سفارة كندا.. لمحت ابليس و ف ايده
استماره..


بقول له على فين.. قاللي بص ...
يا هجره يا اعاره..


يا عم زهقت..
كفرت .. الاقيش معاك سيجاره..


انا انتهيت خلاص .. لا نافع
وسواس ولا خناس


ولا ليا عيش
وسط الناس..


دي عالم مجرمين.. عندكوا فائض
ف الفساد...



في كل
البلاد..



ومش محتاجين شياطين ..
مليش
عيش ف دي البلاد..






بقالي سنين
عاطل .



و انتوا بتعرفوا تقلبوا الحق
باطل..



و تسلكوا
القاتل .. و تمشوا ف جنازة
المقتول..



ومفيش مشاكل..


يا عم ده انا
بقيت أوسوس بالمقلوب..



و أقول للحرامي .. كفايه بقى ..
توووووب..



انت ايه .
لوحدك هاتعمل كل
الذنوب..



و أنا ابليس أشتغل واعظ .. ولا
كمساري ف اتوبيس..



يا عم ده انا
زمان



كنت استنى حد ينسى يسمي وهو
بياكل لقمته..



دلوقتي كل

اكلكم ملوث .. و بصراحه الواحد خايف
على صحته..



ده مفيش ضمير اساساً عشان
اموته..



و كل واحد
بمزاجه .. خربانه ذمته..




يا عم ده كل حاجه
اتسرقت..



وكده
الاجيال الجديده م الحراميه
اتظلمت..



يا راجل ده من كتر ما لطشت
معايا..



خرجت ف
مظاهره مع الناس اللي بتقول
كفايه..



و برضه..... مفيش

فايده



هذه الكلمات تعبر عن الفساد ليس ف دولة بعينها وانما ف كثير من البلاد..فالفساد ليس له وطن محدد وانما ف اى بقعة من الارض
حين
يبتعد الانسان ع ربه ولايتمسك بدينه فيصبح اداة ف يد الشيطان ثم لايلبث
بعد ذلك ان يتفوق ع هذا الشيطان فيتنحى ابليس بعيدا لانه لم يعد بحاجة لان
يوسوس ف صدور الناس
فقد اصبح لديهم اكتفاء ذاتى وليسوا بحاجة لعونه
وهكذا يكون قد نجح ف نشر سمومه بين البشر ليقوموا بانفسهم بدوره بل وببراعة يتعجب منها الشيطان نفسه